Russia-ah eptu hruaitu hrem

Russia rama eptu hruaitu, Alexei Navalny chu rally huaihawt khapna dan a bawhchhiat avangin ni 30 tantir a ni dawn.

Navalny hi Russia rama eirukna thleng duhlohna lantira kawngzawh buatsaih a nih dawn avangin kawngzawh neih hma hian Moscow-a a chenna inah hren a ni. Thawhṭanni khan Russia ram khawpui hrang hrangah kawngzawh hi huaihawt a ni a, Moscow-ah chuan police-te’n kawngzawh zinga mi tam tak chu an man.

Thawhṭanni zan khan Moscow court chuan Navalny hremna tur hi a puang a, kum 41 mi eptu hruaitu pawh hian hrem a ni thu hi a Twitter page-ah a tarlang ve nghal bawk a ni.

Nakkuma Russia president inthlan huna chuh tum, Navalny hian phalna nei loin Moscow-a rally huaihawtah khan tel a tum a ni. Police-te chuan Moscow-a kawngzawhnaah hian mi 5,000 vel an tel niin an sawi a, St Petersburg-ah mi 3,500 velin kawng an zawh bawk. Moscow-ah hian nawrh huaihawt zinga mi 825 man a ni a, St Petersburg-ah mi 500 man an ni bawk.