China company-te'n Pollution rules zawm ṭha lo

Environmental inspector-te chuan China hmarlama company an endik zinga 70%, company 14,000 dawn chuan air pollution tihtlemna tura dan siamte an zawm lo niin an sawi. Minsitry of Environmental Protection-a inspector-te hian China hmarlama khawpui 28-a company hrang hrang chu thla hnih chhung an endik a ni.

Company endik zinga 4,700 chu danin a phal lohna hmuna awm an ni a, certificate mumal pawh an nei lo tih an sawi. China thuneitute chuan boruak tibawlhhlawhtute dap-chhuah an tum thu sawi mah se, factory-te chuan boruak, tui leh leilung an la tibawlhhlawh chhunzawm zel a ni. China mipuite tam zawk chuan an ram boruak bawlhhlawh zel chu an harsatna lian ber pakhatah a ngai tawh a ni.