Australia-in Manus Island-a raltlante tan ṭanpuina pe dawn

Australia sorkar leh a contractor-te chuan Papua New Guinea-a Manus Island-a raltlan hren mekte ṭanpuina atan dollar maktaduai 53 pek a remti.

Mi 1,905-te chuan kum 2012 leh 2016 inkara chhunga Mansu Island-a hren an nih lai khan dinhmun hreh-awm taka dah an nih thu an sawi. Mahse hei hi Australia chuan a pawm lo.

Australia hian lawng hmang an rama raltlan luh tumte chu lo hnarin, PNG leh Nauru-ah hian a thawn ṭhin a ni. Hetianga a tih hian raltlan tam tak, lawng hmanga an ram luh tumte a tihtim phah niin a sawi. Mahse he policy hi ramchhung-ah leh rampawnah sawi-sel a hlawh hle a, United Nations pawhin a sawi-sel a ni.