Biden leh Xi-te'n hmaichhana inhmuh an remti

US president Joe Biden leh China president Xi Jinping-te chuan a ṭum khatna atana hmaichhana inhmuh a, meeting neih an remti.

Ningani khan ram pahnih hruaitute hi telephone-a inbiain, face-to-face meeting neih chungchang hi an sawidun. Inhmuh hi remti mah se, an meeting neih hun tur leh a hmun turte erawh sawilan a la ni lo.

US president atana Joe Biden lakluh a nih hnuah President Xi nen hian phone/video call hi ṭum nga an nei tawh a, mahse hmaichhanah erawh an la inkawm lo. Ningani khan Biden leh Xi hi darkar hnih leh minute 17 chhung an inbia a, Taiwan chungchang pawh an sawidun a ni. China hian a rama a chhal, Taiwan chungchanga US inrawlh hi a ngaithei lo hle a, Ningania an inbiaknaah pawh Xi chuan mei nena infiam chu an la kang ngei ang, tia sawiin, hei hi US pawhin a hriatthiam ngei a beisei thu a sawi nghal bawk. Biden pawhin Taiwan chungchanga US policy chu a ngai reng a la nih thu a sawi ve bawk niin White House thuchhuah chuan a tarlang.