US President Joe Biden-a'n Covid-19 hri kai nawn

US president Joe Biden chuan a vawi hnih­na atan Covid-19 a kai leh a, khunghran leh mek a nih thu White House doctor chuan Inrinni liam ta khan a sawi.

Kum 79 mi, Biden hi July 21 khan Covid positive a ni tih hriatchhuah a ni a, a inkhunghrang a ni. Enkawl a nih hnuah ni li chhung a zawna negative test result a neih hnuah, Inrinni zinga an test-naah a lo positive leh a ni.

Presidential physi­cian, Kevin O'Connor chuan President Biden khung hran a ni leh a, inkaihhruaina khauh tak hnuaiah enkawl a ni dawn tih a sawi.

Tuna a hri kai leh chu 'rebound positivity' tiin, he hi hri kai damlote damdawi Paxlovid hmanga enkawlte chu damdawi course an lak zawh hnuah an positive leh ṭhin. President Biden pawh hi Paxlovid hmang hian enkawl a ni.

"President hian natna lanchhuahna a nei lo a, amah pawh a ṭha hle. Hei vang hian tun dinhmunah chuan treatment pek nawn leh a ngai rih lo a ni," a ti.

O'Connor hian a hma ni thumah President Biden hian Covid-19 hri a kai tawh loh avangin inkhunghrang a ngai tawh lo tih a lo puang hman tawh a, mahse a thu puan aṭang ni thum hnuah hri hi a kai nawn leh ta a ni.