Grenfell tower kang vanga thi mi 12 tling tawh

London khawpuia Grenfell tower-a kangmei nasa tak chhuak avanga thi chu mi 12 an tling tawh a, mi 70 chuangin hliam an tuar. Thi zat hi an la punchhoh rin a nih thu thuneitute chuan an sawi.

City myor Sadiq Khan chuan thuchhuah siamin, in kangah hian mi 12 an thi tih hriat­chian a ni tawh tih a sawi a, tower block dangte pawh a him leh him loh enfiah an ni dawn tih a sawi. Tower enkawltu, Kensington and Chelsea Tenant Managment Organistion chuan kangmei chhuah chhan leh a dark chak chhan hi sawi theih a la ni loh thu leh, a chhuina kawngah thuneitute an thawhpui zel tur thu a sawi.