China-a bomb puakah mi pariat an thi

China khawchhak lam Jiangsu Province, Fengxian County-a kindergarten-ah bomb a puak a, mi pariat an thi. Thi zingah hian bomb tipuaktu pawh a tel.

Police-te chuan he thil thleng hi chhui nghalin,bomb tipuaktu chu kum 22 mi, kindergarten bula cheng, rilru lama harsatna nei a nih thu an sawi. A chenna inah hian bomb siamna hmanruate hmuh a ni a, a in bangah hian thi rawh, tichhe vek rawh tih thute a lo ziak a ni. Bomb puah hun lai hi Ningani tlai dar 4.50 vel, naupang nu leh paten an fate hruai tura an kal lai vel a ni. Mahse school aṭang hian naupangte hi an la chhuak hman lo a ni. Mi 65-in hliam an tuar bawk a, an zinga mi pariatte dinhmun chu a ṭha lo hle. Hliam tuar zingah hian zirlai naupang leh zirtirtu an tel lo.

May 9 khan kindergarten zirlai phurtu bus chu Shadong province khawchhak lamah tunnel-a a tlan laiin a kang tawh bawk a, zirlai 11 bakah zirtirtu pakhat leh bus driver an thi a ni. Official-te chuan bus driver hi a hlawh lakah a lungawi loh vangin bus hi a hal niin an sawi.