Colombia khawpui-a bomb puakah mi pathum thi

Colombia khawpui, Bogota-a shopping mall chhunga restroom-ah bomb a puak a, mi pathum an thi a, mi dang pakua-in hliam an tuar .

Bomb puahna hmun, Andino Shopping centre hi Bogota khawpui lun laia awm a ni a, an ram huna Inrinni tlai dar 5 vel khan hmeichhe inthiarna room-ah bomb hi a puak a ni. He pawikhawihna thlen lai hian Father’s Day puala thilpek lei tum mi tam tak an pungkhawm a ni.

Pawikhawihna thleng vang hian shopping centre bul vela dawrte pawh khar nghal a ni a, mipuite kalpawh theih loha dan nghal niin, security official-te chuan pawikhawihnaa mawhphurtute an chhui nghal a ni. Bomb kam dang a awm leh awm loh enfiah turin bomb squad specialist-te koh luh an ni bawk.

President Juan Manuel Santos chuan pawikhawihna thleng chu a dem thu sawiin, chhui chiang turin thupek a ti­chhuak nghal a ni.