Egypt court-in thi turin mi 30 chungthu relsak

Egypt-a Cairo court chuan kum 2015, June thlaa Egypt top public prosecutor thah a nihnaa inhnamhnawiha puh mi 30-te chu thi turin an chungthu a relsak.

Top public prosecutor Hisham Barakat hi car bomb hmanga thah a ni. Barakat hian kum 2013-a Muslim Brotherhood thlawp sorkar paihthlak a nih hnuah khan he pawl thlawptu mi tam tak thubuai ngaihtuahin hremna alo pe tawh a ni. Islamist tam tak chu thi tura hremna emaw, damchhung tang tura hremna emaw pek an lo ni tawh a ni. Egypt chuan Barakat thahnaah hian Muslim Brotherhood leh Gaza-a inkhuar, Hamas firfiakte chu inrawlhah a puh a, mahse heng pawl pahnihte hian inhnamhnawihna an nei lo niin an sawi thung.