Syria sipaiten ni hnih chhung inkahhai an puang

Syria sipai, an ram chhim lam Deraa-a beihpui thlak mekte chuan ni hnih chhung atan inkahhai an puang.

Syrian army general command chuan inkahhai hi an ram huna Inrinni aṭang khan hman ṭan anih thu a sawi a, hei hi inremna a awm theihna atana hmalakna an thlawp tih lantirna a nih thu a sawi.

United Nations chuan Syria rama remna leh muanna a awm theih nan July 10 khian Geneva-ah inbiakna bul ṭan leh a tum thu a sawi. Russia pawhin July 4-5 khian Kazakhstan khawpui, Astana-ah Syria chungchang ngaihtuaha sawihona hun buatsaih a tum bawk.

US chuan Syria sipaiten inkahhai an puang chu lawmawm a tih thu sawiin, Syria sorkar chu a thutiamte vawng turin a ngen. State Department thupuangtu, Heather Nauert-i chuan Syria-a eptu pawlte pawh an pawikhawihna thlente titawp a, tualchhung buaina thleng vanga harsatna tawk mekte chhawmdawl hna thawh phalsak turin a ngen bawk.

Syria ramah hian kum ruk chhung zet tual­chhung indona a thlen tawh avangin mi sing tel an thi tawh a, mi maktaduai 11 chuangin an in leh lo an tlanchhiatsan tawh bawk a ni.