California-in Monkeypox vangin state of emergency puang

US-a California state governor Gavin Newsom chuan Thawhṭanni khan an state-a monkeypox hri darh zel tur venna atan state of emergency a puang. California hi US state zingah, New York leh Illinois dawtah he hrileng vanga emergency puang pathumna an ni.

Governor Newsom chuan state puma emer­gency puan chu monkey­pox laka invenna leh thawh­hona ṭha zawk, aware­ness leh vaccine tam zawk neih theihna tur a ni, a ti.

"Hripui len laia kan thawh­hona ṭha tak ang khan, Monkeypox darh tur venna, chak zawk leh rang zawka test neih te, contact tracing-te kan nei dawn a, tuna kan tum ber chu din­hmun hlauhawma awmte hnenah vaccine leh treatment pek a ni," tiin Gover­nor Newsom chuan a sawi.

California-ah hian monkeypox hri vei hi mi 857 an awm tawh a, New York dawtah an tam ber a ni. US ram pumah hri kai mi 5,811 an awm tawh niin Centers of Disease Control and Prevention (CDC) data chuan a tarlang.