SKorea-in nuclear reactor thar siam tumna titawp vek dawn

South Korea President Moon Jae-In chuan nuclear reactor thar siambelh tuma ruahmanna awmte chu tihtawp vek a nih tur thu a sawi.

Thla hmasaa SKorea President atana thlan thar, Moon hian a campaign lai pawhin atomic energy-te chu a tahtawla tihtawp chhoh a, mihring tana him zawk leh leilung tichhe lo zawk, solar leh wind power aṭanga power tam zawk lak dan ngaihtuah a lo tiam tawh a ni.

Nuclear reactor, Kori-1 tihtawpna hun a hmanpuinaah he thu hi sawiin, President Moon chuan reactor thar siamna tura ruahmannate chu a tihtawp vek tur thu leh, tuna reactor an hmanlai mekte hman theih hun bihthliah pawh pawhsei belh zel a tum loh thu a sawi. Reactor tam tak chu mihring chenna bial chhunga awm a ni a, hei vang hian chhiatna thlen palh thulhah an rin phak bakin mihring tan chhiatna a thlen thei dawn a ni, a ti.

South Korea ram hian nuclear reactor 25 a hmang mek a, heng aṭanga an power siamchhuah hi rampuma power an siamchhuah aṭanga 30% vel a tling a ni. Reactor zinga a tam zawk hi kum 2020-2030 inkar thleng hman theih turte an ni.