Philippines sorkarin Marawi laklet thuai tum

Philippines sorkar chuan a ram chhim lama Marawi khawpui chu Islam firfiaikte kut aṭanga lak let tumin ngawrh takin beihpui a thlak mek.

Marawi City-ah hian sipai leh firfiakte chu kar nga chhung zet an inbei tawh a, mi 350 vel an thi tawh a ni. Khawpuia cheng mi tam tak chu himna zawngin hmun dangah an tlanchhe tawh bawk. Sipai thupuangtu Brigadier General Restitutio Padilla chuan Ramadan zawh hmain Marawi khawpuia firfiakte chu thenfai vek hman an tum thu a sawi. Hel pawl hrang hrangte pawh uluk taka an enthlak thu leh, he inbeihnaah hian an tel ve loh an beisei thu a sawi. Hetih lai hian Marawi-a chengte chuan Ramadan zawh hnuah pawl dangten inbeihna hi an tharthawh ve leh an hlauhthawn thu an sawi.