Georgia inthlanah Republican chak
US-a Geogia state-a special congress election neihah US President Donald Trump-a party, Republican candidate Karen Handel thlan tlin a ni.
Karen Handel hian vote tla aṭangin 53% a hmu a, a khingpui Democratic candidate Jon Ossoff chuan 47% a hmu. South Carolina-ah pawh Republican Ralph Norman chaun Democrat Archie Parnell a hneh bawk. Georgia district parukna, Atlanta seat hi Republican bial him ṭhin a ni a, mahse tunhnaiah Republican President Trump-a duhtu an tlakhniam avangin Democrats lam hian chak an inbeisei hle. Inthlan neih tur atana candidate-te sum sen zat hi dollar maktaduai 56 vel nia chhut a ni a, hei hi congress inthlana sum sen tamna ber a ni.