Brussels Central station-ah bomb tipuaktu kaphlum

Belgium khawpui, Brussels-a central train station-ah bomb chak lo chi a puak a, bomb tipuaktu nia rinhlelh chu sipaiten an kaphlum nghal a ni.

Thawhlehni zan dar 8.30 vel khan Brussels-a Rennaisance town square-ah bomb hi tihpuah a ni a, thi leh hliam erawh an awm hriat a ni lo. Pawikhawihna thlenna hmunah hian police ṭhahnem tham tak tirh nghal an ni.

Kum 2016 March thla khan Brussels metro system leh airport chu beih a lo ni tawh a, mi 32 thiin mi za telin hliam an tuar an ni. Islamic State (IS) firfiak pawl chuan he pawikhawihna thleng hi an tih niin an sawi.

Nikum November thlaa firfiakten France khawpui, Paris an beih ṭuma mi 130 thihna a thlen hnu khan, Brussels-a rel station, sorkar building leh European Union institution-ahte sipaite duty tir an ni. Brussels khawpui chhung kawthler hrang hrangah sipai 10,000 vel an duty bawk.