Ballot tihchingpen tumna a awm nia sawi vangin UK PM thar tur thlan hun sawn a ni

Britain-a Conservative Party-in prime minister thar thlang tura ruahman­na an neih mek laiin, Government Commu­ni­cations Headquarters (GCHQ) spy agency chuan cyber hacker-in ballot an tihchingpen theih thu a sawi vangin inthlan hun hi sawn a nih thu The Telegraph chuan a sawi.

Hemi chungchangah hian vauna hi a hranpain an dawng lo a, mahse inthlan kalpui dan hi khawih buai theih a nih thu thurawn an dawn avangin a hun hi an sawn a ni.

Postal ballot-te hi party member 1,60,000 chuang hnenah thawnchhuah tur a ni. Thawhṭanni khan thawnchhuah tur ni mah se, inthlan hun sawn hlat a nih avangin member-te hnenah hian August 11 thlengin thawnchhuah theih a la ni ang.

Finance minister hlui Rishi Sunak leh foreign secretary Liz Truss-te chu Boris Johnson thlak a, UK Prime Minister thar ni turin an inel dawn a ni. Conservative Party member ngaihdan lak hnuhnung berah Truss hian hma a hruai a ni. September 5 khian Prime Minister thar tur hi an puang dawn a ni.