Russian FM Sergei Lavrov-a'n Myanmar a thleng

Russia foreign minister Sergei Lavrov chuan Myanmar sipai hotute be turin Myanmar khawpui, Naypdyidaw a thleng.

Russia foreign affairs ministry chuan Sergei Lavrov hi Myanmar ramah hian hna thila zin a nih thu a sawi. Myanmar sipai sorkara foreign minister leh Myanmar sipai hotu lu ber a hmu dawn a ni. Hetih lai hian Myanmar sipaite chuan Russia Minister-in a tlawh chungchangah thuchhuah engmah an la siam lo thung.

Lavrov hi Cambodia-a Association of Southeast Asian Nations (ASEAN) foreign ministers meeting-a tel tur a ni a, meeting neih hmain Myanmar hi a tlawh hmasa a ni. Myanmar sipai sorkar chu an rama eptuten nena remna zawnga inbiakna neih a duh loh avangin ASEAN meeting neih turah hian an tel phalsak a ni lo.

Sipaiten Myanmar civil sorkar thuneihna an hnehchhuh hnuah khawthlang ram sorkar hrang hrangte chuan Myanmar sipai sorkar hi an dem a, hetihlai hian Russia leh China erawh chu Myanmar sipaiten civil mite an beihna atan ralthuamte peah puh an ni. Kumin July thla khan Myanmar sipai hotu lu ber, General Min Aung Hliang chu Russia-ah zinin, Russia space leh nuclear agency official-te pawh alo hmu tawh a ni.