Pentagon-in Afghanistan sipaite uniform atan dollar mtd 28 seng

Special Inspector General for Afghanistan Reconstruction (SIGAR) report tihchhuahah, kum sawm kalta chhung khan Pentagon chuan Afghanistan sipaite uniform, camouflage pattern atan dollar maktaduai 28 a seng niin a tarlang.

US special inspector general John Sopko chuan Afghanistan-a ramngaw a tlem chunga forest pattern uniform thlan hi thil inhmeh lo tak niin a sawi a, he pattern hi kum 2007-a Afghanistan defence minister, Abul Rahim Wardak-an a thlan niin a sawi. Minister hluiin a nalh tih a thlan vanga an lo pawmpui mai chu sum tam tak khawhralna mai nia a ngaih thu a sawi. Hun rei tak chu Sopko office hian Afghanistan-a indona kalpui chungchanga Pentagon sum sen ral dan hi a lo sawisel tawh a ni.