Myanmar sipaiten training camp an dapnaah mi pathum kaphlum

Myanmar security force-te chuan Rohingya Muslim firfiakten Rakhine state-a training camp an siam chu dapin, mi pathum an kaphum.

Mayo Mountains-a camp an dapna aṭang hian sipaite chuan silai, silai mu leh zen tam tham tak an man bawk a ni.

Nikum October thlaa police post beih anih hnu khan security force-te chuan Rohingya hel lakah beihpui an thlak a, Rohingya Muslim 70,000 chuang zet chu Bangladesh ramah an tlan­chhiat phah a ni. Bangladesh rama tlanchhiate hian security force-te hi an che rawng hle niin an sawi a, naupangte an thah bakah, a nung chunga mi hal te, pawngsual rawn leh tinawmnahna nasa tak an tuar niin an sawi. Mahse he puhna hi Myanmar sorkar chuan a pawm lo thung.

State media chuan Rakhine state-a training camp hmuh­chhuah hi nikuma police post beitute ho enkawl tho niin an sawi. Sipaite hian hmuhchhuah tumin ni hnih chhung an dap kual a, mi pathumte pawh hi mahni invenna atana kaphlum niin a sawi.