Pakistan leh Afghanistan-ah ruah leh vur a sur nasa
Afghanistan leh Pakistan ram hmun ṭhenkhatah ruah leh vur sur nasain tuilian a thlenah mi 43 an thi tawh tih official-ten an sawi.
Pakistan ramah chuan mi 25 an thi nia report a ni a, chhiatna hi Balochistan province hmarthlang lamin an tuar nasa zual a ni. Balochistan chief of disaster management Imran Zarkon chuan vur sur nasa vangin in chung eng emaw zat a chhia tih a sawi bawk.
Vur a sur nasat avangin kawngpui tam tak khar a ngai bawk a, hmun ṭhenkhatah chuan vur tla chhah lam hi inches ruk te a tling. Afghanistan-ah pawh khawvawt lutuk avangin mi 18 an thi tawh niin provincial official-te chuan an sawi. State ministry for disaster management-a press officer, Hasibullah Shaikhani chuan vur a tlak nasat avang leh, vur tawlh a thlen mai an hlauhthawn avangin kawngpui tam zawk chu khar an ni tih a sawi. Afghanistan-a thi zinga mi pasarih chu Herat province khawthlang lama mi an ni a, an zinga panga chu chhungkaw khat member an ni.
Afghanistan khawpui Kabul-ah chuan khawvawt lam hi -15 degree celsius te a ni tawh a, kawngpui tam tak chu motor tlan hleih theih loin vurin a khuh a ni.