Myanmar leh WB-in thawhdunna pawtsei

Myanmar leh World Bank Group chuan thawhdunna an lo siam tawh, Country Partnership Framework (CPF) chu kum hnih dang atan an pawtsei. He inremna hi Myanmar ram, a bikin thingtlang biala cheng mi rethei zawkte chawikanna leh ṭanpuina tura tih a ni.

Kum hnih chhungin World Bank Group subsidiary, International Development Association (IDA) chuan US dollar tluklehdingawn hnih pein, hei hi technical assistance leh advisory service tan hman a ni dawn tih WB chuan a sawi.

CPF agreement hi kum 2015 khan an siam tawh a, he inremna hnuaiah hian Myanmar rama mi maktaduai 5.4 te chhawr theih turin school, kawng leh infrastructure ṭha zawk siam a ni. He inremna hnuaia stipend vangin zirlai 150,000 ten school an kal theih phah bawk.

Myanmar Minister of Planning and Finance, U Kyaw Win chuan CPF inremna chu Myanmar economic policy nena inzul tak a nih thu sawiin, an ramin hma a sawnna kawngah a pui nasa hle tih a sawi.

Kumin April thla khan World Bank chuan Myanmar ram economy sawhngheh nan leh, retheihna umbona tura hna thawh nan UD dollar maktaduai 200 pek a lo remti tawh bawk a ni.