London Tower 37-ten fire test paltlang lo
London-a Grenfell Tower-a kangmei rapthlak tak a chhuah hnuah, ramchhunga in chhawng sangte chu kangmei chhuak thei laka invenna an nei ṭha tawk em tih enfiah an ni a, tower 34-te chuan fire safety check hi an paltlang lo a, heng hmuna chengte chu insawnchhuahtir an ni.
British official-te chuan England ram chhung hmun hrang hranga in chhawng sang 600 vel an endik a, Department for Communities chuan heng zingah hian hmun 17-a apartment block 34 chuan test hi an paltlang lo tih a sawi.
Fire Brigage ten an chenna hmun hi kangmei chhuak thei lakah a him tawk lo tih an sawi hnuin heng apartment hrang hranga chengte hi insawnchhuak turin hriattir nghal an ni. Prime Minister Theresa May-i chuan thuneitute chuan heng building aṭanga insawnchhuakte awmna tur hi an theih angin an ngaihtuahpui dawn a ni, a ti.
Hetih lai hian test paltlang zo lo tower-a cheng mi tam tak chuan chhuak tura hriattirna pek an nih chungchangah a chawpchhilh lutuk niin an sawi a, mi tam tak chuan thuneitute chet dan chu an ti lutuk nia ngaiin chhuah an tum loh thu an sawi.