ASEAN-in Myanmar sipai hotute hrem dawn

Association of Southeast Asian Nations (ASEAN) member ram 10-a foreign minister kalkhawmte chuan Myamar rama rorellai, sipai general-te chu an ram buaina tireh tura hma an lak loh chuan hrem an remti.

Phnom Penh-a ASEAN regional meeting zawha press conference an neihah, Cambodia foreign minister Prak Sokhonn chuan Myanmar sipai hotute chuan an ram dinhmunin hma a sawnna turin hma an la ngei tur a ni tiin, "Hmasawnna kan hmuh hunah chauh thutlukna dang kan siam thei ang," a ti.

Kum 2021, April thlaa ASEAN leh Myanmar sipai hotu, senior general Min Aung Hlaing-ten Myanmar tualchhung buaina tihrehna tura hmalakna tur, Five-Point Consensus an lo siam tawh a taka kalpui lo leh, hmasawnna hmuh tur a awm lo chu an dem thu ASEAN foreign minister-te chuan an sawi. November thlaa regional summit neih hma ngeiin Myanmar-a sipai sorkar, State Administration Council (SAC) chu hma la turin an ti bawk.