Spain-ah ram kang vangin mi 1,500 chuan sawnchhuak

Spain hmar lama ram kang avangin mi 15,00 chuang chu hmun him lamah sawnchhuah an ni.

Kar kalta Inrinni zan khan Monguer bialah ram hi a kang ṭan a, a kan chhan hi hriat chian a la ni lo a, Andalusia regional government-a environment minister Jose Fiscal chuan hal nia a lan thu a sawi. Kang ṭhelh hna hi ngawrh taka thawh mek a ni a, mahse thli chak tak a tleh tel avangin thunun a har hle a, an ṭhelh theih hun tur pawh hriatthiam a har thu official-te chuan an sawi.

Pathian ni khan ram kang ṭhelh tur hian thlawhtheihna 11 leh helicopter 10 bakah motor tam tham tak hman a ni a, sipai leh civil miten theihtawp an chhuah a ni. Ram kanna biala cheng mi 1,500 chu venthawn thilah insawnchhuahtir an ni a, heng mite hi sport centre-ahte awmtir lailawk an ni.

Ram kang hi ṭhelh loha a darh zel chuan an rama national park hmingthang tak, Donana National Park tan pawh a him dawn lo nia sawi a ni. He park-ah hian ramsa mang mai hlauhawm eng emaw zat an awm a, an zingah hian Iberian lynx leh Spanish Imperial Eagle te pawh an tel a ni.