China-in khaltu awm lo rel tlantir

China chuan khaltu awm lo rel (bullet train) darkar khata kilometre 350 a chaka tlan thei an ram chhungah a tlantir.

Rel khalhtu awm kher ngaih lohna bullet train hi China khawpui Beijing aṭanga Zhangjiakou thleng tlan tura duan a ni a, station 10-ah dintir a ni ang. China hian kum 2022 Winter Olympic a host dawn a, inelna hrang hrang hi Beijing-ah kher lo khawpui danga neih tur a ni. Hei vang hian rel chak chi bullet train hi tlantir a ni a, hei hian infiam mite veivahnaa an hun hman a tih tlem phah dawn a ni. Beijing leh Zhangjiakou khaw inkar hi km 198.6 vel a ni a, darkar 3 vel tlan a ni a, bullet train tharah chuan minute 47 vel chauh an tlan tawh thung ang. 

Rel tharah hian Pa­ssenger ṭhutnaah touch screen leh wireless char­ging port dah a ni a, Paralympian-te tan pawha ṭhutna tur bik siam a ni bawk. Rel chhungah hian dining car a awm bakah, 5G connectivity, smart lighting leh thil dang dangte pawh dah a ni.