Greece-ah bawlh­hlawh paihtute nuar chhunzawm zel

Greece ram khawpuia municipal sanitation worker-te chuan nawrh an huaihawt chhunzawm zel a, hei vang hian khawpui hrang hrangah bawlhhlawh a inchhek khawl hnem tawh hle.

Khawpui chhunga bawlhhlawh paihtu mi 10,000 chuangte short-term contract chu pawhsei sak phutin kar hmasa aṭang khan bawlhhlawh paihtu pawl, POE-OTA chuan nawrh hi an huaihawt a, sorkar aiawhte nenṭum eng emaw zat inbe tawh mah se inremna an la siam thei lo a ni. Interior Ministry chuan municipal sanitation worker 2,500-te dah­ngheh rawtna chu Parliament-ah a thehlut a, mahse hei hi POE-OTA chuan an pawm lo a ni.

Kar hmasa aṭanga nawrh huaihawta hnathawh an chawlh avang hian khawpui hrang hrangah bawlhhlawh a inchhekkhawl nasa tawh a, khua a lum bawk avangin khawpui boruak hriselna pawh a ṭhat loh rin a ni. Mahse POE-OTA president Nikos Trakas chuan na zawkin an thil phut chu nawr chhunzawm zel an tum thu a sawi, Ningani hian Athens-ah rally huaihat an tum thu a sawi.