Syria-in chemical weapon hman leh a tum

US chuan Syria sorkar chu sorkar laka helte beihna tura chemical ralthuam hman tuma inbuatsaih leh mekah a puh a, hei hi a takin a thleng a nih chuan na taka chhan let a ni ang, a ti. White House chuan thuchhuah siamin, kumin April 4-a a chet dan anga che leh turin Syria sorkar hi a inbuatsaih a ni, a ti. Syria sorkar hian April 4 khan chemical ralthuam hmangin helho a bei a, hemi chhan letnan hian April 6 khan US chuan Syria chemical ralthuam tihchhiatsak tumin Tomahawk missile 59 hmangin a bei zui a ni.