Bangladesh-in Rohingya raltlante thawnlet turin China puihna dil

Bangladesh chuan an rama Myanmar aṭanga raltlan, Rohingya-te chu Myanmar rama thawn let an nih theihna turin China chu thawhpui turin a sawm.

Bangladesh tlawha zin, China foreign minister Wang Yi hnenah Rohingya raltlante thawn kir an nih theihna tura pui tur hian an ngen a ni. Myanmar ram aṭanga tlanchhia, Rohingya mi nuai sarih vel chu Bangladesh-ah hian an la khawsa mek a ni. Kum 2017 khan raltlante hi Myanmar rama thawn let an nihna turin Bangladesh leh Myanmar chuan inremna an lo siam tawh a, mahse raltlante hian an him dawn lo nia ngaiin, thawn kir tuma ruahmanna an siam pawhin an duh lo zel a ni.

China chuan Rohingya raltlante buaina chinfel tumin theihtawp chhuah­pui zel a tiam niin junior minister for foriegn affairs, Shahriar Alam chuan a sawi.

Bangladesh leh China hian inlaichinna nghet tak an nei a, China hi Bangladesh-a raw material thawn luttu lian ber niin, heng raw mate­rial-te hi Bangladesh a thil thawnchhuah aṭanga foreign currency a lakluh zinga 80% chuang a hmuhna, garment indus­try-ten innghahna berah an hmang a ni.

Bangladesh-ah hian Chinese company 500 chuang an awm mek bawk.