Afghanistan-ah Pakistan Taliban hotu that

Pakistan Taliban senior commander chu Aghanistan khawchhak lamah thah a ni tih an pawl thuchhuah chuan a tarlang.

Tehreek-e-Taliban (TTP) chuan thuchhuah siamin, an pawl hotu Abdul Wali, Omar Kahlid Khorasani tih bawk chu a martar ta tih an sawi. Pakistan leh Afghanistan Taliban-te hi thuthlung in ang nei ni mah se, pawl hran an ni.

TTP hotu thihna hian TTP-in kumin June thlaa Pakistan sorkar nena inkahhai puang tura inremna an lo siam tawh chu a rawn tihchhiat rin a ni.

TTP chuan an commander leh midang pahnihte chu Afghanistan khawchhak lam, Paktika province-a an chuanna car bomb a nih avangin an thi niin an sawi. Car bomb-tu erawh an hriatchian rih loh thu an sawi. Wali hi TTP hotu lu ber, Noor Wali Mehsud nena meeting an nei zo, a haw lam a nih thu an sawi bawk.

Wali hian kum 2014 khan Taliban hnuaia helpawl hran, Jamaat-ul-Ahara a din a, he pawl hi Pakistan rama pawikhawihna hrang hrang thlenah inhnamhnawiha puh a ni. Kum 2016-a Lahore-a Easter Sunday nia thihchilh bomb tihpuaktu kha nia sawi an ni a, he bomb puakah hian mi 75 in nunna an chan a ni. Kum hnih liam ta khan TTP-ah hian an inchhung lut a ni.