Covid-19 certificate lem pekchhuah vangin man

Bangladesh khawpui Dhaka-a damdawi clinic pahnih neitu, Mohammad Shahed chu a dam lo enkawl 1,000 chuangte hnenah, Covid-19 test neih pui si loin hri an kai lo nia certificate a pek avangin police-ten an man.

Kum 42 mi Shahed hi a thil tih ṭhin avang hian police-te chuan an chhui a, Nilaini khan India a pan tur chu police-te chuan ramri lui bulah an man tih Rapid Action Battalion thupuangtu Colonel Ashique Billah chuan a sawi.

A damdawi clinic pahnihah hian mi 10,500 chu Covid-19 test an neih pui niin an record a, heng zinga mi 4,200 chu an test tak tak a, a dang mi 6,300 erawh test an lo neih pui lo thung tih finfiah a ni. He thil thleng vang hian expert-te chuan Covid-19 hri hi a darh belh an rin thu an tarlang. 

Bangladesh-a Covid-19 hri kai hi mi 1,99,357 an tling tawh a, heng zinga mi 1,08,725 chu enkawl dam tawh niin, he hri vang hian mi 2,547 an thi tawh a ni.