UN-in TTP hotu firfiakah puang

United Nations (UN) chuan Tehrek-e-Taliban Pakistan  (TTP) hotu Mufti Noor Wali Mehsud chu firfiakah a puang. 

United States Security Council 1267 Al-Qaida Sanctions Committee chuan Meshsud chu ISIL leh Al-Qaida sanction list  zingah a telh a ni.

US chuan UN thutlukna chu lawmawm a tih thu a sawi nghal a, Pakistan rama firfiaka chetna tam takah TTP chu mawhphurtuah puhin, kum 2019 September thla khan US chuan firfiakah a lo puang tawh a ni, a ti. Pakistan Taliban tia hriat lar bawk, TTP hi ṭum tak tak thihchilh bomb tipuak a, civil mite thihna thlenah puh a ni. TTP hotu Mullah Fazullah a thih hnuah kum 2018, June thla khan a thlaktu atan Mufti Noor Wali Mehsud hi ruat a ni.