Churchill-a hming ziahna document lilam dawn

British prime minister hlui, Winston Churchill-a’n a hming a ziah hnanna document pawimawh tak chu UK-ah lilam a ni dawn. He document lilam turah hian kum 1914-a England leh France inkara tunnel siam tum dan ruahmanna te pawh ziahlan a ni. Document-a an siam hun hi kum 1914, June 12 a ni a, Churchil chuan hmelmaten an beih thulh pawha an ram inven theih dan tur nia a ngaihte pawh a sawilang bawk. Document lilam turah hian Committee of Imperial Defence member dangte hming pawh a lang a ni.

Mullocks auction house chuan Churchill-a’n a hming a ziah hnan he document ang dang hi a awm lo tih an sawi a, Cambrige-a Churchill Archive-ah a copy awm mah se Churchill-a hming sign a awm tel lo tih a sawi. He document hi July 6-ah lilam tum a ni.