Mediterranean-ah mi 8,000 chuang chhanchhuak

Italy coastguard-te chuan ram danga pem tuma kalchhuak, mi 8,000 chuang chu Mediterrerean tuipuiah chhanchhuah an ni, a ti.

Coastguard thupuangtu chuan lawng lian pali, lawng te pakhat leh rubber lawng 18 aṭangin Thawhṭanni khan mi 5,000 vel an chhanchhuak a, hemi hma lawk hian mi 3,300 chuang chu chhanchhuah an lo ni tawh bawk a ni, a ti. Tuipui aṭanga an chhanchhuah zingah hian naupang 17, naute pahnih leh hmeichhe 23 an tel a, an zinga pasarih phei chu naupai lai a nih thu a sawi.

Ni khat thil thuah tuipui aṭanga mi chhan­chhuah tam ber ṭum chu kum 2016, August 29 kha a ni a, Italy coastguard te hian mi 7,000 an chhanchhuak a ni. Kumin January thla aṭang khan Italy rama pem lut hi mi 73,000 an chuang tawh a, pem tuma kal zinga mi 2,000 chu lawng chesual leh chhiatna dang thlengah an thi a ni.