Philippines-ah tlang a kang

Philippines khawpui Manila aṭanga kilometre 70 vela awm, tlang kang chhuahna hmun 'Taal Volcano' an tih hmunah Pathianni khan tlang kang a thleng a, thi leh hliam erawh an awm loh thu thuneitute chuan an tarlang.

He tlang kang hian tui hu leh mei vap van­sangah nasa takin a siam a, a chheh vela khua Manila chhim lama awm Tagaytay leh Cavite province-te chuan harsatna nasa tak an tawh bakah Manila Interna­tional airport pawh khar a ni a, thlawhtheihna thlawhchhuak tur 500 dawn lai cancel a ni.

Thawlhtheihna bakah hian zirna in leh office-te pawh khar a ni a, boruaka mei vap tam lutuk chuan mihring hriselna a ṭha lo zawnga nghawng a neih theih thu mithiamte chuan an sawi. Tlang kang vang hian mi 13,000 chuang chuan hmun him lam an pan tawh bawk.

Taal-a tlang kang hi Philippines-a thlang kang thlen zinna ber dawttu a ni a, Manila chhim lam thliarkar a awm a ni. He hmunah hian kum 450 chhungin tlang kang vawi 34 a thleng tawh a ni.