Jail aṭangin Israel PM hlui Olmert-a chhuah

Israel Prime Minister hlui Ehul Olmert chu eiruk thubuai avanga thla 16 chhung jail-a a tan hnuah nimin khan parole-a chhuahtir a ni ta.

Kum 71 mi, Olmert-a hi kum 2014 khan real estate developer-te hnen aṭanga thamna sum laa puhna thubuaiah thiam loh chantir a ni. Thamna sum laa puhna hi Jerusalem mayor a nih lai ami a ni. He thubuai avang hian kum 2008, September khan prime minister a nihna aṭangin a bang a ni. Thla 27 chhung lung-in tang tura hrem a nih hnuah, parole board chuan Olmert-a tan hun tihtawi sak hi a rel a ni. Pathianni khan a tanna, Tel Aviv bula Ramle tan-in aṭangin Olmert-a hi chhuah a ni a, bodyguard pakhatin a veng zui a ni.