Hong Kong CE thar la lut

Hong Kong hruaitu, Chief Executive thar atan kum 59 mi, Carrie Lam-i chu kar kalta Inrinni khan lakluh a ni. Hmeichhe zinga Hong Kong khawpui hruaitu dinhmun luah thei hmasa ber a ni.

Carrie Lam hi Hong Kong Chief Executive hlui, Leung Chun Ying-a deputy-ah kum eng emaw zat a ṭang tawh a ni. Ying-a hi China sorkarin a duh duh dana a thunun theih vangin Hong Kong mipuite huat a hlawh hle. Lam-i lawmluh inkhawmah hian Hong Kong tlawha zin, China President, Xi Jinping pawh a tel a, Lam-i nen hian an inkawm nghal a ni.