Justice CS Karnan bail dilna ngaihtuah nghal remti lo

Supreme Court chuan Calcutta High Court judge hlui, JS Karnan-a bail dilna leh hremna a pe ennawn tura ngenna a siam chu ngaihtuah nghal mai a remti lo.

Justice Karnan hian court zah loha puhin thla ruk chhung tang turin Supreme Court chuan thupek a tichhuak a, June 20 khan man ani. Man a nih hnu hian Karnan-a bail dilna chu Supreme Court chuan a hnawlsak nghal bawk. Hemi hnu hian Karnan bail dilna leh a hremna ngaihtuah nawn tura ngenna a siam leh a, mahse Cheif Justice JS Khehar leh Justice DY Chandrachud awmna bench chuan an hnawl thu sawiin, court thupek tihchhuah chungchang ngaihtuah ṭha tura ṭawngkama ngenna siam chu an pawm dawn lo tih an sawi.

Justice Karnan hi high court judge ṭanglai zinga jail-a tang tura hrem hmasa ber a ni a, manna tur thupek tihchhuah a nih hnu hian thla khat chuang zet a bibo a, a bibo chhung hian a pension zui bawk a ni.