Brazil-ah drug lord man

Brazil Police-te chuan ruihhlo tawlhru pawl hotu, Luzi Carzo da Rocha, a hming lema ‘White Head’ tih vuah chu an man. White Head hian kum sawmthum dawn chu thuneituten an man pumpelh nan plastic surgergy a ti ṭhin nia sawi a ni. Police-te chuan Luiz Carlos da Rocha hi Mato Grosso state aṭangin an man a, Brazil court hrang hrangte chuan ruihhlo tawlhruk leh sum dik lo taka a khawih chet avangin kum 50 chuang tang turin an lo hrem tawh a ni. Rocha pawlte hian Europe leh US-ah cocaine an tawlh lut ṭhin a ni. A thil neih, dollar maktaduai 10 chuang hu an man tel a, heng zingah hian thlawhtheihna leh luxury car-te a tel.