Syria pawisa tharah Assad-a lem chuantir

Syria ram pawisa note thar, pound 2,000 note-ah an ram president Bashir al-Assad-a thla chuantir a ni. Pawisa thar hi Pathianni aṭang khan tihchhuah ṭan a ni.

Central bank governor Duraid Durgham chuan 2,000 pound note hi kum eng emaw zat kaltaah note thar an siam zingah a tel a, mahse an rama tualchhugn buaina thleng leh pawisa thlengna danglam fo avangin a tihchhuah hun hi an titlai ta niin a sawi.

Note thar tichhuah hi exchange rate-ah dollar 4 nen an intluk a ni. Kum 2011 aṭnga tualchhung indona thleng avangin Syria pawisa hlutna hi a tlahniam chak hle a, kum 2010-ah dollar khat leh Syria pound 47 a intluk a, mahse kuminah chuan US dollar khat leh Syrian pound 500 a intluk a ni.

Pathiannia Syrian pound 2,000 note tihchhuah hmaa banknote tihchhuah san ber chu pound 1,000 note a ni. Assad-a pa, President hlui Hafel al-Assad-a lem chu 1,000 pound note hlui leh coins-ah chuantir a lo ni tawh bawk.