Mi tld 1.6-te hna chan mai thei dinhmunah ding

United Nations labour body, International La­bour Organization chuan khawvel ram hrang hrangah Covid-19 leng vangin hnathawktu, mi tluklehdingawn 1.6 chu an hna chan thei mai dinhmunah an ding mek a ni, a ti. 

UN agency chuan  hri leng vanga hna thawk mumal theih loha a awm avangin wholesale and retail, manufacturing, acco­mmodation, leh economic sector-a enter­prise maktaduai 430 chuang zet a nghawng a, heng hmuna thawktu tam tak chu an hna an chan mai a  hlauhawm tih a sawi. Khawvel pumah thawktu mi tluklehdingawn 3.3 vel an awm a, an zinga tluklehdingawn hnih dawn chu labour market-a thawk a, hna chan mai thei dinhmuna ding an ni, a ti.

Sumdawngte leh hnathawktute puihna tur hian rang taka ruahmanna siama ngai tih ILO chuan a sawi a, a bikin informal economy ami leh sum­dawng tenau zawkte chu ngaihtuah an ngai a ni, tiin a sawi.