Trump-a'n social distancing rules pawtsei lo Ram pum huapa campaign neih vat a tum
US president Donald Trump chuan hri leng darh zel tura venna atana sorkarin social distancing guideline a hman, Ningani-a tawp chu pawhsei a ni lo tih a sawi.
President Trump chuan state hrang hrangten hri leng dona atana inkhuahkhirhna te an siam avangin social distancing rule hi sorkarin a hman chhunzawm zel a ngai lo niin a sawi.
March 15 khan sorkar chuan social distancing kaihhruaina hi hmangin, ni 15 chhung atan a ti a, mahse a hnuah Trump hian ni 30 chhung atan a pawtsei leh a ni. Hetih lai hian mipui zingah he dan sawiseltu leh hman duh tawh lo pawh an tam hle.
Trump chuan kumin kum tawpa an ram president thlanna neihna tur atana ram pum huapa campaign neih vat a tum tih a sawi.
Trump chuan kar leh aṭang hian a zin chhuak dawn tih sawiin, Arizona-ah zin hmasak ber a tum a, economy dinhmun chhe mek te chu enfiah tura zin tum a nih thu a sawi. Arizona-ah hian campaign nan chuan a la hma a, a theih chin chinah mipui punkhawmna siam rih lo a him a ni, a ti. Arizona-a a zin zawh hunah Ohio-a zin leh a tum bawk tih Trump chuan a sawi.
Khawvel tibuai mek tu Covid-19 hri leng hi nakinah chuan amaha a bo mai a rin thu Trump chuan a sawi bawk.