Venezuela eptuten mipui ngaihdan lak an tum

Venezuela-a eptu party, Democratic Unity Roundtable (MUD)-te chuan sorkarin danpui thar siam a tum chungchangah July 16 hian an ram mipuite ngiahdan lak a tum.

Caracas-a Chacao Theater-a inkhawm an buatsaihah eptu pawk kaihhruai National Assembly (AN) President Julio Borges chuan hetianga mipuite ngaihdan an lak hian sorkarin ram danpui ziah thar a tum chungchang an pawmpui loh zia an lantir thei dawn a ni, a ti.

Hetih lai hian Venezuela sorkar chuan ram danpui thar siam tur hian Constituent National Assembly (ANC) koh a tum. President Nicolas Maduro chuan an ramin ei leh bar leh politics lama tualchhung buaina an tawh mek chinfelna kawng ṭha ber chu ram danpui siamthar a nih thu a sawi.

MUD chuan sorkarin danpui siamthar tur a a din ANC chu an pawm lo tih sawi a, din a nih dawn hian sorkarin miputie pawh a rawn hmasa lo a ni, an ti. Supreme Court chu sorkar lama ṭangah an puh bawk.

President Maduro leh a kaihhruai sorkar bang tura phut leh, inthlan ṭhat neih phutin MUD kaihhruaiin eptute hian thla thum chuang zet nawrh an huaihawt a, sorakrin ram danpui siamṭhat a tum pawh an dodal a ni. Nawrh huaihawt vanga buaina chhuakah mi 85 an thi tawh a ni.