Hmeichhe hmaikhuhna pawhthlak vangin tang dawn

UK-a Newcastle Crown Court chuan nikum July thlaa Sunderland shopping centre-a Muslim hmeichhe pakhat hmai khuhna pawhthlaksak tu, Peter Scotter chu thla 15 tang turin a hrem. Kum 56 mi, Scotter hian bazar hmunpuia Muslim hmeichhe pakhat awm chu “Kan rama awm i nih hi” tiin a hmai khuhna a pawhthlak sak a, he hmeichhia hi chhuatah a tlu zui a ni. Hemi hnu pawh hian Scotter chuan Britain-a an awm chuan Britain dan an zawm tur a ni tiin a la au zui bawk. Scotter hian cancer a vei mek a, hei vang hian a kut tuartu hmeichhia pawh hian jail-a tan tir kher chu a duh lo tih a sawi a, mahse Judge Stephen Earl chuan vantlang hmunah ṭawngkam mawi lo leh mei nei tak a hmang a, mawi lo taka a chet avangin a thiltih man hi a tawrh ngei a ngai niin a sawi thung.