SKorea President-in NKorea hotu nena inbiak duh

South Korea President Moon Jae-in chuan a ṭhenawm, North Korea ram hotu lu ber Kim Jong-un nea inbiakna neih chu a duh thu a sawi. Hemi rual hian NKorea-in kartir lama inter-continental ballistic missile a enchhin chu a dem thu a sawi bawk. President Moon chuan Korea ram pahnihte chuan indona avanga Korean chhungkua inṭhendarhte inhmuhkhawmna hun an siamsak ṭhin chu an chhunzawm leh a duh thu a sawi a, ramri-a an inepnate titawp a, kum 2018 Winter Olympics, Pyeongchang, South Korea-a neih tur atana thawhdunna ṭha tak an neih a duh thu a sawi.