WHO-in monkeypox virus variant hming thar phuah

World Health Organization (WHO) chuan hri dark mek, monkeypox hri variant hming thar a phuah.

Thuchhuah siamin, hming thar an phuah chhan chu khawtlang emaw ram emaw zingah inhmuhthiam lohna a thlen lohna tura siam an nih thu WHO chuan a a sawi. Variant hming phuah tur hian WHO chuan global expert rualte a ko khawm a ni.

Mithiamte chuan Central Africa-a Congo Basin clade(group of variants) tih chu Clade I, West African clade tih chu Clade II tihin an sawi tawh dawn a ni. A hnuhnung zawk hi sub-clade pahnihah ṭhenin, Clade IIa leh Clade IIb tiin, Clade IIb chu kum 2022 chhunga variant darh mek leh hmuhchhuah tam ber hi a ni. WHO chuan an hming phuah tharte hi hmang nghal turin thupek a tichhuak bawk.

Hri hmuhchhuah thar, a kaihhawih hri leh virus variant-te chu hnamzia, vantlang, ram, region, professional emaw hnambil tlem zawk emaw tana pawisawi lo leh, insumdawn tawnna, zinchhuah, tourism leh animal welfare lamah a chhe zawnga nghawng nei thei hming a ni tur a ni lo tih WHO a tarlang.

Kum 1958-a he hri hmuhchhuah a nih khan a hming atan Monkeypox virus vuah a ni. Ram hrang hrangah variant ṭhahnem takah hmuhchhuah zui a ni. WHO chuan thla hmasa khan official-in ram hrang hranga monkeypox darh mek chu public health emergency of international concern-ah a lo puang tawh bawk.