California-ah ram a kang

California, US-a Sacramento hmarlam Sierra Nevada-ah kar kalta Inrinni khan ram a kang a, chenna in 10 leh ram accre 2,000-a zau a kang chhia. Ram kang vang hian kawngpui pawh khar a ni. California Department of Forestry and Fire Protection (CalFire) chuan ram kang vang hian tualchhung mi panga leh kangṭhelhtu pakhatin hliam tenau an tuar niin an sawi. San Luis Obispo County-ah pawh ram kang vang hian mi eng emaw zat sawnchhuah an ni tawh a, nimin thleng khan ram kang hi 10% vel chauh thunun ala ni tih CalFire chuan a sawi.