Japan rama tuilianah mi 18 thi
Japan chhim lama ruahsur nasa avanga tuiliana thi chu mi 18 an tling tawh.
Tuilian vanga mi 15 an thih hnuah, chin hriat lohin mi dang 27 an la awm mek niin official-te chuan an sawi a, emergency team chuan chin hriat loha awmte hi an zawng mek a ni. Ruahsur nasa avangin lui eng emaw zat chu an lian a, lui kama chenna in tam tak tuilianin a lenchhiat bakah, kawngpui pawh a chhe nasa hle. Chhanchhuah hna thawktute chuan tuilian tuarte ṭanpui hna an thawk mek a, mi tam tak chu hmun him lamah lakchhuah an ni tawh. Chhanchhuah hna hi police, military, firefighter leh coast guard 12,000 velin an thawk a ni. Nimin thleng khan tuilian vang ihan mi 500 chuang chu tlawhpawh theih lohin an la awm mek.
Chief Cabinet Secretary Yoshihide Suga chuan tuilian avanga chin hriat loha awm te leh, tlawh pawh theih loha awmte ṭanpui turin sorkar chuan theihtawp a chhuah mek tih a sawi. Harsatna tawkte chhanchhuah hna thawh nan hian helicopter pawh hman a ni a, mahse ruah a sur nasat avangin duh angin a thlawk chhuak thei lo. Kar kalta Nilaini khan Kyushu bialah hian ruah hi centimeter 50 chuang a sur niin, Japan Meteorological Agency chuan a tarlang a, hemi hnuah pawh hian a sur chhunzawm zel tih a sawi. Darkar 72 kalta chhungin Fukuoka bilaah pawh 22 cm a sur hman a ni.