Virginia-a KKK rally-ah buaina chhuak

Mingo dah chungchuan duhtu pawl, Ku Klux Klan thlawptuten kar kalta Inrinni khan US-a Virginia state-ah kawng an zawh a, miṭhenkhatin kawngzawhte hi lo tibuaiin buaina chhuak vang hian police-te’n mi 23 an man.

KKK member-te hian Charlottesville-a Confede­rate General Robert E.Lee dahbo a nih loh avanga duh lohna lantirin kawng an zawh a, mahse KKK-te thiltih hi duh loin pawl dangin kawng an lo zawh khum ve bawk a ni. Pawl pahnih inkarah hian daidanna siamin an veng zui a ni.

Klan group hian Confe­derate flag vaiin, mingo dah chungnun an duhna thute an aupui a, hetihlai hian a dodaltute chuan KKK chu chi inthliarna kalpuitu tiin an lo au el ve thung.

Kum 2015-a mingo dah chungchuan duhtute South Carolina biak-in bih a, mihang pakua an thah hnuah khan US-a hmun pawimawha Confederate flag leh milim dahte chu lakthlak an lo tawh a ni. Sawi­seltute chuan Confiderate flag leh limte hi US Civil War hunlaia an ram chhim lama mihang awp leh sala chhawr an nih thlawpna lantirna niin an ngai a, mahse mi dang ṭhenkhat chuan US history peng pawimawh tak niin an sawi ve thung.

KKK hian a vanglai, kum 1925 vel khan member maktaduai li vel a nei a, tunah chuan member hi 5,000-8,000 vel an ni tawh a, a tam zawk chu America chhim lam bial a mi an ni.