US-Russia inlaichinna a ṭha zel ang : Putin

Russia President Vladimir Putin chuan Russia leh US inlaichinna chu a ṭhat chhoh zel a beisei thu a sawi.

Putin leh US President Donald Trump-te chuan Hamburg, Germany-a G20 Summit neih karlakah meeting an nei a ni. Putin chuan kum 2016 November thlaa US President thlanna neihah khan Russia chu a inrawlh lo tih a sawi leh bawk.

US President Trump chu a takah a landan a dang hle tih sawiin, a mi kawmte leh a thusawite a hrechiang a, thil awmzia a man chakin zawhna awm a piangte pawh rang takin a chhang nghal zel mai thei a ni tiin a fak hle. An inkawmnaah hian US president thlanna Russia inrawlha puh a nih chungchang pawh Trump hian a sawichhuak a, mahse inthlanah inrawlhna an neih loh thu a hrilh nawn leh thu leh, a chhanna pekah Trump pawh a lungawi nia a hriat thu a sawi.