Japan PM-in indo tawh lo turin thu tiam

Japan prime minister Fumio Kishida chuan Indopui II-naa Japan tlawm champha, nimin khan an ram chu indo chawk chhuak tawh lo turin a tiam.

Cabinet member ṭhenkhatte'n he ni pual hian Yasukuni Shrine an tlawh a, hei hian South Korea leh China a ti thinur hle. Yasukuni Shrine hi an hmelma ramte laka Japan sipaite inlulinna lantirna angah an ngai a ni. He hmunah hian Allied tribunal-in war criminal anga thiam loh a chantir, Japanese wartime leader 14-te hriatrengna dah tel a nih avangin Japan ram hruaituten he hmun an tlawh hi ram dangten an ngaithei lo hle ṭhin.

PM Kishida erawh chuan Yasu­kuni Shrine hi a tlawh ve lo a, central Tokyo shrine a tlawh thung"Indona rapthlak tak ang kha kan thlen nawn tir tawh lo ang. He ka thutiam bawhzui hian theihtawp ka chhuah ang," tiin Kishida chuan Tokyo-a sakhaw inhmuhkhawmna dangah sawiin, he hun hi Emperor Naruhito pawhin a hmanpui a ni. "Khawvela buainate thleng chho mek karah Japan chu remna lama hmahruaitu a ni," a ti.